PUISI BAHASA BALI

RAMBANGAN DOSE

Hyang widhi, cingakin titiang

Ngempel dose

Mue matapel kabobaban

Sedek batise maanjekan di dugdugan dosa

                                Titiang maserod ka labak badeng

                                Ngaenang titiang inget

Nanging ……………………

Asiki tunas titiang

                                Hyang widhi……………

                                Icen titiang cahya suci

                                Mangda praside nyalanin dharma

                                Ampurayang titiang

                                Mogi titiang kaicen margi sane galang

Subakti ring Hyang Widi

Napi sujatine sembahe sane suci punika

Napi minab tatujon mantra punika katembangang

Katur ring sira tirta lan dupa punika

Taler katur ring sira hidupe kaserahang

Minab……………

Punika tan wenang kasuratang malih

Duaning saking embas

Iraga sareng sami sampun uning

Sami punika wantah pinaka

Aab jagat baline

Para lanang lan istri

Tangkil kapura malarapan manah suci

Masila tiding ngaturang bakti

Rikala suaran hidung lan genta mangumbara

Hening karasa manahe suci

Sami pada tragia ngaturang bakti

Ngastiti bakti ring

Ida Sang Hyang Widi

 

SELAT-KERAMBITAN

Padi nguntul nyujuh muncuk cemare

Pusuhne bengul nguningang angin

Sanje, nuturang indik bungan padang

sane lakar kembang

Barak nguda gumanti saying

Nanging cemara kari ngatiwawalan

Seenanne during gadang

Done tan mrasidayang kembang

Payu segul,

Ngetelang kenehe iriki ring

SELAT-KERAMBITAN